Klapp på skuldra

Etter dette spelet klappa eg meg sjølv på skuldra :)

Motparten hamna i 4 spar slik:

Eg spelte ut ruter ess, bordet la toeren, makker niaren og speleførar knekten. Det såg ut som knekten var eit ærleg kort (øst ville neppe kasta eit stikk i tempo..). Motparten har minst 27 poeng til saman og eg har ni, så det er maks. 4 poeng igjen til makker. Dersom makker har hjerter ess kan ho komme inn på den og spele kløver, men då har speleførar KD i kløver, og det vil ikkje hjelpe. Einaste måten å få beit på er at makker har kløver konge. Ruter ni kan kanskje også antyde noko i kløver? Altså liten kløver til kongen og kløver tilbake.

Det seier nok meir om nivået enn om mitt motspel at vi var dei einaste som beita 4 spar, men eg må seie eg var snytande fornøgd etterpå :)