Åttekortsfargar skal vere trumf

Eg er på jakt etter litt sympati her.

Makker opna i tre spar, nestemann meldte inn 5 kløver og eg hadde det ikkje lett:

K kn
E K kn 10 6 5 3 2
-
kn 5 3

Eg meldte 5 spar, noko som er forferdelig pinglete. Det kom sjølvsagt 6 kløver frå same fyren og no prøvde eg 6 hjerter som makker korrigerte til 6 spar. Raudlappen kom på og eg la den stolte åttekortsfargen ned i bordet.

Ruter esset kom ut, og med det utspelet er det ikkje mogeleg å vinne 6 spar. 6 hjerter er sjølvsagt heilt utapeleg mot alle utspel. Min tanke bak å støtte makker i spar framfor å mase om hjerterfargen, var at hjerterkontrakt blir svært tungspelt dersom makker er renons i trumf. Då kan motparten ta tre kløverstikk med ein gong. Dessutan er det fine ting at makker kan stele ruter på handa som er kort i trumf. Eg fekk mykje pes for dette, så truleg var eg langt på viddene?

P-C meinar dette spelet var minst like vilt som det andre spelet eg har lagt ut frå divisjonen. Uansett var vi einaste nord-sørpar i alle dei tre puljene som hadde scoren ut... Og sjå på stakkars øst :) Medan alle andre har sinnsjuke fordelingar og syns spelet er kjempespennande, sit han med 0 poeng og 4-3-3-3 fordeling og lurer på kva oppstusset handlar om.

Scorane på spelet var slik: